יום שלישי, נובמבר 02, 2004

אַ פֿריילעכן וואַלטאָג

ווי איז געווען אײַער וועג צום קלפּי?

ווען כ´בין געקומען צום וואַלפּלאַץ אָפּצוגעבן מײַן שטים, איז געווען אַ לאַנגע ריי, אַן אַלגעמיינער אַטמאָספֿער פֿון בילבול־המוחות, און ניט־טויגיקע וואַל־אַרבעטער. איינער האָט געזאָגט, אַז אַזאַ ריי איז אויפֿגעקומען העט אין אָנהייב טאָג, זעקס אַ זייגער אד"פֿ.

שיקט מיר אײַערע איבערלעבענישן בײַם מקיים זײַן די מיצווה. און אויב כ´האָב כּוח און חשק, און איר האָט דעם באַגער, קען איך עפּעס פּאָסטן בשעת מ´איז מודיע די רעזולטאַטן.

אין אַן אינטערוויו אין פֿאָרווערטס האָט אַ חסיד געזאָגט, אַז די וואַלן גייען זיי קנאַפּ אָן. כ´האָף אַז מע זעט אײַן, וואָס פֿאַר אַ טעות דאָס איז.

5 תגובות:

  1. אנונימי1:01 אחה״צ

    כ'האב דעם אינטערוויו געלייענט. כ'ווייס נישט ווער דאזיגער "ר' לייזער" - וועלכער "שמעקט טאבאק בעת'ן זיצן ביי דער גמרא (א באגריף וואס כ'האב ס'לעצטע מאל געזען אין א מעשה-ביכל) - איז און אין וועלכער וועלט ער לעבט. פאקט איז אז רוב עולם אינטערעסירט זיך דווקא יא מיט די וואלן.

    דיין פריינט - בן עמי

    השבמחק
  2. אנונימי1:02 אחה״צ

    כ'האב דעם אינטערוויו געלייענט. כ'ווייס נישט ווער דאזיגער "ר' לייזער" - וועלכער "שמעקט טאבאק בעת'ן זיצן ביי דער גמרא" (א באגריף וואס כ'האב ס'לעצטע מאל געזען אין א מעשה-ביכל) - איז און אין וועלכער וועלט ער לעבט. פאקט איז אז רוב עולם אינטערעסירט זיך דווקא יא מיט די וואלן.

    דיין פריינט - בן עמי

    השבמחק
  3. כ'לייען אין די נייעס באריכטן אז עס גייט זיין און אז עס איז דא א גאנצעטער פאראיין פון אדוואקאטן מצד אחד אן אנדערער פאראיין מאידך גיסא כ'בין זיכער געווען אז כ'וועל זיך אויסגליטשן און אומפאלן אויף די קארפעט פון זייערע ביזנעס קארטן
    כ'בין אנטוישט געווארן צו זעען אז לא דובים ולא יער נישט קיין דארף נישט קיין הונט נאר א קנאפע זיבן פרומע פרויען מיט שייטלן זיצן זיך צאמגעקוועטשט אויך איין זייט פון א דריי פיס לאנגען טיש ווי אין די הינטערשטן זיץ פון די שווער'ס אלטן סטעישאן וועגאן און איין פרוי נישטערט מיין נאמען בשעת די איבריגע זעקס גלייזן מיט קעלבערנע אויגען איינע האלט גרייט דאס פעדער מיט וואס איך וועל זיך אונטערשרייבן אן אנדערע ווארט צו קוועטשן דאס קנעפל צוויי שמועסן זיך און צוויי לאכן פון זייערע וויצן אויף די מענער
    אינצווישן בייס איך מיינע נעגל און ווארט אז די צוויי גראבע פיס זאל זיך שוין ארויסרוקן פון בודקע

    השבמחק
  4. פּרעה נכּה:

    איר שרײַבט גוט. פֿאַר וואָס האָט איר ניט אַן אייגענע קרעטשמע?

    און וווּ האָט איר געשטימט? ווילי? ב"פּ?

    שלום

    השבמחק
  5. איך בין רעגיסטרירט אין קרית יואל
    מיין קרעטשמע איז פרעה נכה
    שוין ארויסגעשיקט די פארשפראכענע קונטרס

    השבמחק